LAND ART HAUR HEZKUNTZAN

- LAND ART-

NOLA HASI LAND ARTa LANTZEN?

Haurrek sormena garatzeko nahian, lehendabizi land art-eko hainbat argazki erakutsiko dizkiegu arte mota honi buruzko ideia izateko. Irudi horietan agertzen den artea ezagutzeko eta lantzeko jakin-mina eta motibazioa piztu behar da haiengan. Horretarako argazki adierazgarriak erakutsiko dizkiegu eta haietan erabilitako materialak umeentzat egokiak eta eskuragarriak izango direnak..

Adibidez:

 - Hausnarketa/Elkarrizketa

Behaketa egin ondoren, hau da, argazki esanguratsuak ikusi eta haiengan ideiak sortu ondoren hausnarketa egingo dugu denon artean. Hausnarketa honetan, galdera batzuk proposatuko ditugu, beti haiei erantzuteko denbora emanez. Horrela, gaiari buruzko ideak edo pentsamenduak komentatuko dira bakoitzaren nahiak edo iritziak adierazteko aukera emanez.  

-Esperimentazioa

Esperimentazioa egiteko, hondartzara joango gara eta bertan, egingo dugun jarduera hasi baino lehen, aurkituko ditugun zenbait material bilduko ditugu (harriak, landareak, oskolak, makilak…). Lehenik, haur bakoitza bere kabuz egongo da aurkitu dugun materiala ukitzen, usaintzen… eta haiekin proba txikiak egiten, ideiak sortzeko asmoz.

-Sorkuntza

Ondoren, hondartzan bertan, sorkuntza lantzeari ekingo diogu. Horretarako, haurrei askatasun osoa emango diegu, klasean ikusitakoan oinarrituz. Taldeak sortuko ditugu haien artean lan egin dezaten eta sormena garatu dezaten elkarlana lantzen duten bitartean. Prozesu osoan zehar irakaslea gidari izango da eta haurrek behar duten laguntza emango die. Irakasleak prozesu osoan zehar argazkiak egingo ditu  eta haurrek haien artelanak amaitzerakoan, hauei buruzko argazkiak egingo dituzte. Azkenean, ikastolan, ateratako argazkiekin erakusketa txiki bat egingo dugu eta haurrek haien buru artista moduan ikusiko dute.

Eremu naturalean egitea da proposena, baina baliabide egokiekin klasean ere egiteko aukera dugu, argazkietan ikusten den moduan: